1933 դեկտեմեր 22-ին կը կազմուի Ֆրանսայի Համազգային կեդրոնական մարմին մը, որ պիտի համադրէ ամբողջ Ֆրանսայի կազմակերպական գործը զանազան շրջաներուն մէջ, Փարիզ, Շաւիլ, Ալֆորվիլ, Լիոն, Վէին, Սէն–Մորիս, Մարսէյ :

Այս շրջաներէն ներս կը տարուի հայ լեզուի պաշտպանութեան աշխատանք եւ մշակութային ձեռնարկներ, ինչպէս Լիոնի « կիրակնօրեայ լսարանը » ուր կը կատարուին հայ մշակոյթի շուրջ հաւաքոյթներ :

80-ական թուականերուն, միութիւնս կը վերականքնի Փարիզի մէջ, կը կազմուի մասնաճիւղ մը մեծամասնութեամբ միջին Արեւելքէն եկած, Ճեմարան աւարտած երիտասարդներէ :

1982-ին կը հիմնուի Դիմակ թատերախումբը, որ կը բեմադրէ հայերէն լեզուով շատ մը հայ կամ օտար թատերական երկեր :

Այսօր, Փարիզի մասնաճիւղը, կազմուած 45 անդամներէ, կը գործէ Հայ Մշակոյթի Տան մէջ ,17 Պլէօ փողոց, Փարիզի 9-րդ թաղամաս: Ան աշխուժ ներկայութիւն է շրջանի մշակութային կեանքին մէջ, կը կազմակերպէ դասախօսութիւներ, գրքի եւ ֆիլմի ներկայացումներ, համերգներ փոքրերու արտասանական մրցումներ…: Փարիզի մասնաճիւղը կը գործակցի շրջանի ուրիշ միոթիւներու հետ եւ իր մասնակցութիւնը կը բերէ Համազգայինի ընդհանուր նախաձեռնութիւներուն յաջողութեան համար, Համազգայինի դպրոցներ, Մարսէյի ճեմարան եւ Իսի Լէ Մուլինօ–ի Համազգային–Թարգմանչաց վարժարան, երիտասարդական հաւաքներ Ֆորոմ եւ youthlink: